Det norske Samlaget er 150 år. I høve jubileet har vi spurt nokre av forfattarane på forlaget om å skrive ei helsing til jubilanten.
Olaug Nilssen:
Samlaget har betydd og betyr mykje for meg, ikkje berre som eit solid og kompetent forlag som ivaretar forfattarskapen min på best mulige måte, men også som eit forlag som ivaretar språket mitt. Då meiner eg ikkje først og fremst den gode korrekturlesinga, men den politiske viljen til språk. Det er til dømes lett for meg, på grunn av Samlaget, å prakke nynorsk-øker på mine bokmålsskrivande barn.
Ruth Lillegraven:
Samlaget har vore svært viktig for nynorsk skriftkultur og litteratur i desse 150 åra. Sjølv kjenner eg forlaget som tilsett gjennom 6 år og sidan som barnebokforfattar dei siste 7 åra. Eg er så glad i Samlaget og folka der, og blir både stolt og glad når jubilanten no gjer det så bra, etter ein tung periode for nokre år tilbake. For ein livskraftig og flott 150-åring! Varmt gratulerer med dagen!
Are Kalvø:
Gratulerer med dagen, Samlaget. Ny-Noreg er jo ekstremt gode på jubileum, det har vore minst eitt nynorsk-jubileum kvart år sidan Ivar Aasen blei født, så eg har stor tru på feiringa til Samlaget. Samlaget har vore ein del av livet mitt lenge. Samlaget gav ut første boka mi, og dei fleste av dei andre bøkene mine, og er denne uslåelige blandinga av snill og kul.
Maria Parr:
Gratulerer med dagen, Samlaget. Det ligg språklege superkrefter i den barnelitterære tradisjonen dykkar. Det er noko å vere mektig stolt over.
Brit Bildøen:
Samlaget er eit forlag med sjel og eit bankande hjarte for litteraturen og språket.
Les Jon Fosse si helsing til jubilanten her
Finn Tokvam:
