LUKE 14: Bjørn Sortland har skrive mange bøker for barn og ungdom, sist den reinspikka action-serien «Johnny777».
– Kor feirar du jula i år, Bjørn?
– I Bergen og på Bømlo.
– Det blir ikkje jul utan …. kva?
– Ungane mine, Mahalia Jackson, juleevangeliet, blodfersk torsk og ein passe dyr raudvin frå Toskana.
– Skrivefri i jula eller jobbar du med eit manus?
– Jobbar dessverre med eit manus.
– Kva for bok har vore den store leseopplevinga for deg i år?
– Verden på vippepunktet av Dag O. Hessen.
– Kva for tre bøker vil du gi bort i år?
– Heile Jon Fosse-septologien.
– Kva for bok som har betydd mykje for deg gjennom livet, vil du anbefale andre å lese?
– Vanskeleg, men altså Bibelen og romanen Elskeren av Marguerite Duras.
– Kva er den beste julegåva du har fått?
– Ein raud og kvit brannbil som plinga så fint når eg kjørte med den.
– Kva spår du blir snakkisen i litteraturfeltet i 2022?
– Klima og pengar.
– Om du berre kunne velje éin: Prøysen, Sissel, Donald, Sølvguttene eller Askepott?
– Heilt ærleg: Eg e’ soft for Askepott. Hu e’ så himla fine.
